香港專業化妝師
Jenny's Home

影婚紗相前必睇Tips 注意事項

1) 看多一些婚紗相,model 相,練習擺pose和笑。 之前可以叫男朋友 , 女朋友或好朋友替自己影多些相,練習一下,熟能生巧,到拍攝當天就可以擺出自然的post 和笑容了. 攝影師係會可以教你擺pose,但是一定是自己擺的pose最自然的。可以看這個App printerest (有很多新娘子, 設計師, 化妝師,攝影師都常常在這個app找靈感)

2) 要同另一半討論一下喜歡那種攝影風格, 因為攝影師有很多不同風格, 仙氣, 型格, 自然簡約, 藝術感, 電影感 , 文青,日系小清新等等。這樣才可以縮窄範圍,尋找最合適的 pre wedding攝影師。 如果你唔知道自己喜歡什麼, 好簡單,只要你看到張相,如果覺得有感覺, 這樣就中了。

我自己就比較喜歡自然簡約!

一張好的相片,充滿着故事和情感!
將來再看這張相片時,可以後令你感動, 令你笑,能拍出你們的個性和味道!

因為相片裏有你們的故事,你們的快樂回憶!!

攝影師不一定要選最貴,要找適合你風格的才對 .

有幾位攝影師影相好靚, 而且好有感覺 !

睇完他們的作品相後,我都好想影! 而且價錢又唔貴 ! 性價比高 !遲些有時間,我會寫篇文章分享比大家知。 如果大家想知,都可以pm問我!

感激女仔願意分享化妝前相片和影片Makeup & hair By Jenny Man

而影相我已經轉用無反,因為機身較小較輕。 影相和拍片效果都非常靚。 所以我以前用單反,而家都轉用無反了!!

鏡頭使用:zeiss24mmf18

這個是我影相及去旅行必備相機和鏡頭,以及如果只能用一個鏡頭我就會用這個作為一鏡走天涯 。 旅行影相不能沒有它。。 影一日相都唔會攰!!

3. 上網看多一些不同款式的婚紗,看看自己喜歡哪一類款式和風格。 要看多一點才了解自己喜歡什麼。試婚紗可以試多些不同的款式的婚紗, 因為要試上身才知道那些款式比較適合, 有些款式你認為唔適合自己,但試上身卻有意外驚喜的。 如果自己沒有idea,亦都可以試-試租婚紗公司職員推介或建議的款式!

有間婚紗公司婚紗晚裝, 款式質地都好靚,啲料靚好緊要㗎,感覺高級好多!但係價錢唔貴, 性價比高 ,如果大家想知道的話,就Pm問我🤗

 

4) 新娘子大約一星期前去染髮, 淺色頭髮比較年輕和靚好多。

因為黑色頭髮Set頭會看起上比較成熟, 如果染髮可以染類似以下這個頭髮顏色, 同髮型師講類似就可以,唔需要一模一樣。 染髮之後線條層次更加明顯。👇

如果做Highlight,可以染類似以下這個👇

5)影相唔需要張張相都chok 曬, 擺曬pose, 有陣時你們互動 ,玩,吹水 , 鬥咀,食嘢 ,  攝影師喺旁邊捕捉你們最自然的一面,相片更加耐看!! 實行邊玩邊影相!!

陳曉東makeup by Jenny Man

👆 陳曉東香港演唱會,我除咗幫陳曉東化妝之外,我亦都有幫陳曉東影花絮, 呢張相就係陳曉東一路同朋友傾計嘅時候, 我喺旁邊影花絮時影的 , 捕捉了東東最自然嘅一面,陳曉東國際歌迷會的instagram都用咗我呢張相嚟做profile picture, 有圖為證!!👇

6) 多些自拍。 看看自己那一邊面比較靚。 有些男仔女仔平時很少影相, 到真正影婚紗相的那一天,會怕醜。如果之前影得多,就不會怕醜。 到時又可以有多些不同嘅pose,多些 不同的面部表情 ,有多些不同變化的靚相。 唔洗怕醜,豁出去, 懷著輕鬆和開心的心情去影相,就會有更加多靚相。 最重要係享受影相的過程!

7) 影相前3-4日做一些帶氧運動,有時就算唔夠瞓,樣子都精神好多。 但如果平時冇做開運動,就唔好影相之前一至兩日做運動,因為你平時冇做開運動,突然間做運動, 第二日肌肉會痛 , 及會好疲倦。 如果有時間的話,長期做運動更加好,又可以身體健康。

8) 有些婚紗是透皮膚網紗的設計,請帶nu bra , 穿膚色無痕內褲或準備肉色打底褲。

9) 影相前一日不要食太鹹的食物,因為會水腫。 亦可以飲薏米水或紅豆水去水腫。

10) 女仔帶定一對容易更換的便服鞋, 不穿高踭鞋的時候可以穿便服鞋,沒有那麼疲倦。 高踭鞋穿一天很疲倦的。及 一定要容易更換,這樣不會浪費時間換鞋。

11) 如有需要,可帶影相道具,例如: 結婚花球,婚禮汽球,結婚頭紗等等視乎情侶的喜好。 如果影婚紗相可以用鮮花花球或絲花花球, 影出的效果都好靚!但係如果係big day的話,建議一個鮮花花球及一個絲花花球,因為鮮花花球現場睇靚啲,但絲花花球可以用嚟拋花球用。 不要用鮮花花球用嚟拋花球,花球好容易散 😂

之前見到有個花藝師整backdrop同埋花球都好靚,好西式feel, 遲些有時間我都想去學一學花藝。 如果想知道花藝師資料可以pm問我🤗 靚的花球同埋backdrop係好緊要的🤗

影婚紗相時 ,頭紗係必備,因為攝影師可以影多好多不同的效果!!

11)由於在強光或閃光燈下,鏡片會反光。新郎如果想戴眼鏡影相,建議帶隱形眼鏡加沒鏡片眼鏡。亦建議影相前1-2星期開始帶隱形眼鏡, 讓眼睛適應。

12)新娘戴Colour Con後眼睛更大更精靈更Bling Bling有神,尤其是眼白比較多(三白眼).戴  Colour Con可以選擇棕啡色。

pre wedding 帶定多幾副Colour Con可以更換.

類似以下這個color con 都好靚👇

13) 記得剃毛或脫毛 ,包括(腋下毛 , 腳毛) 。

如鼻毛長記得要剪鼻毛。

14) 影完相之後 , 新郎及新娘首先用護髮素 洗走頭髮上所有髮型用品包括 hairspray , 髮蠟 等等。因為護髮素很容易便能清洗頭髮上的髮型用品, 之後就用洗頭水好像平時這樣洗頭就可以了。

之前看到網上有些網友推介Neutrogena深層清潔洗頭水,可以深層潔浄頭皮, 以及洗走頭皮上殘留的髮型用品例如hairspray。

後來買來試試用,我都發覺這個洗頭水清潔效果很好,而且唔乾, 我脱髮情況亦都減少。

iherb 有得買

👇這個是5%折扣碼FGW347

 

👇 click 洗頭水詳細資料

https://hk.iherb.com/pr/Neutrogena-The-Anti-Residue-Shampoo-All-Hair-Types-6-fl-oz-175-ml/77386?rcode=FGW347

。。

14)請勿植眼睫毛 和請勿駁假髮 (以免影響拍攝化妝和髮型郊果)

15)請穿著開胸上衣前來化妝, 例如拉鍊外套,方便換衫時不會整到化妝和髮型。

16) 如有需要自備個人物品,如毛巾,蚊怕水,止汗劑,水,太陽傘,風扇仔,濕紙巾,等等

 

 

Bridal Makeup & hair By Jenny Man

以上相片

相機使用 Sony無反

鏡頭使用:zeiss24mmf18

photo by Jenny Man

新娘化妝推介髮型, 深受新娘子喜愛Top1減齡瘦面髮型和自然年青化妝*必睇*

👇click👇

新娘化妝推介髮型, 深受新娘子喜愛top1減齡瘦面髮型和自然年青化妝*必睇*

新娘化妝
新娘子試妝和結婚前一晚攻略!注意事項!必睇!👇click👇

新娘子試妝和結婚前一晚攻略!注意事項!必睇!

新娘化妝 *新娘租婚紗攻略 , 租婚紗注意事項 租婚紗Tips👇click👇

新娘化妝 *新娘租婚紗攻略 , 租婚紗注意事項 租婚紗tips

以上只是本人個人意見,各位新娘子可以同自己pre wedding 攝影師商議,影pre wedding 之前要注意什麼, 因為每個人情況都不同的, 不可以一概而論。
希望可以幫到各位新娘子。
.
文章作者 Jenny Man

如果大家想引用或轉貼/轉寄本人的文章或相片請註明文章作者 :
化妝師及攝影師Jenny Man

及註明本人的網址和Facebook

www.Jennymanmakeup.Com

Facebook

Jennymanmakeup

Instagram Jennymanmakeup

謝謝大家看我的文章

更多工作相請看我的攝影facebook和instagram

Follow instagram jennymanphotographyhk

Bridal Makeup & hair By Jenny Man

facebook jennymanphotography
優惠詳情/查詢請whatsapp  9163 5803

..

pre wedding 香港推介 婚紗攝影攻略- 懶人包-影婚紗相必睇